Stimads amis dal Chor Rumantsch Zug
En num da la suprastanza stuain nus communitgar la schliaziun dal Chor rumantsch Zug. Durant blers onns avain nus accumpagnà e sustegnì il chor cun entusiassem e grond engaschi.Sco ch’in sguard en l’archiv da nossa homepage mussa, avain nus pudì realisar numerusas occurrenzas ed avain adina empruvà da mantegnair viv il chor. Ils ultims onns essan nus dentant stads confruntads cun adina dapli demissiuns. Malgrà stentas intensivas n’èsi deplorablamain betg reussì a nus d’acquistar avunda novs chantadurs e da segirar l’effectiv da commembers.
A chaschun da la radunanza generala 2026 han ins ussa concludì cun cor grev la schliaziun definitiva.
Uschia svanescha l’ultim chor viril grischun che resta en la Bassa.Tant pli èsi legraivel ch’intgins da noss chantadurs èn sa decidids da chantar vinavant tar il Chor maschadà grischun da Turitg. Uschia pon ins tadlar e tgirar vinavant nossas charas chanzuns rumantschas a chaschun dals concerts.
Nossas actas e noss documents vegnan deponids en l’Archiv dal stadi dal chantun Zug. L’access a nossa homepage resta nd performed at concerts.
Igl è in grond giavisch a nus sco suprastanza d’engraziar cordialmain a vus tuts per il grond e generus sustegn.
Il president partent
Vigeli Caplazi